«Журналистік зерттеу» циклі: «Руслан Юн – аңыз адам» деректі фильмі

Қарағанды облысы Қарқаралы ауданы Шарықты ауылдық огругінің орталығы Теректі ауылының тұрғындары 2009 жылға дейін азын-аулақ малымен ғана күн көрген. Ал 2009 жылдан бері қарай бұл жер өндірісті өлкеге айналды.

Руслан Юннің тау-кен байыту комбинатын салып, елді мекеннің еңсесін көтереміз деген сөзін жергілікті халық әуелде қиял-ғажайыптай қабылдаған. Бірақ ол ойына алған мақсатты орындамай қоймайтын. Өйткені Руслан Юн – темірдей төзім мен қуатты қажырды талап ететін кеншілік ісінде жастайынан шыңдалған еңбек адамы.

Руслан Борисович 1975-1993 жылдары аралығында Жезқазған тау-кен металлургиялық комбинатының Шығыс Жезқазған кенішінде кенші, тау-кен шебері, учаске басшысы, бас инженер, шахта басшысы және Шығыс Жезқазған мен Оңтүстік Жезқазған кеніштерінің бас инженері, директоры болып жұмыс істеген.